O Concello do Pino informa que as listas do censo electoral para as eleccións municipais do 28 de maio poderán consultarse nas oficinas municipais entre o 10 e o 17 de abril, ambos os dous días inclusive. As persoas interesadas deberán dirixirse ao departamento de Padrón de Habitantes, en horario de oficina, de luns a venres, de 9.00 a 14.00 horas. Para consultar o censo de xeito presencial é necesario que a persoa interesada se identifique presentando o seu DNI, pasaporte, carné de conducir ou tarxeta de residencia, de ser o caso.
Tamén se poderá realizar a consulta de xeito telefónico, chamando aos números de teléfono do Instituto Nacional de Estadística (INE): 981 217 439 ou 900 343 232 (gratuíto).
De forma telemática, os datos censais poden consultarse na páxina web do INE (preme neste enlace), co sistema Cl@ve ou con certificado dixital.
No caso de existir erros ou omisións, o Concello informa que a veciñanza ten a súa disposición nas dependencias municipais os impresos oficiais para presentar as correspondentes reclamacións.
