O verán está a volta da esquina e con el o tempo de lecer dos nenos aumenta. Para axudar a ocupalo e permitir ás familias compaxinar a vida familiar e laboral, comeza dende xa o prazo de inscrición para a Escola de Verán 2019 no Concello de O Pino.
A iniciativa do departamento de Servizos Sociais de O Pino está dirixida a nenas e nenos dende os tres ata os doce anos e bota a andar o 24 de xuño, rematando o 10 de setembro. O horario da Escola de Verán vai dende as 8.30 ata as 14.30 horas. Ademais, para inscribir aos cativos, hai que facelo nunha das quendas existentes, divididas en 15 días.
- Xuño. Do 24 ao 28 de xuño.
- Primeira quenda: do 1 ao 15 de xullo.
- Segunda quenda: do 16 ao 31 de xullo.
- Terceira quenda: do 1 ao 15 de agosto.
- Cuarta quenda: do 16 ao 31 de agosto.
- Do 2 ao 10 de setembro.
Entre as actividades que se desenvolverán atópanse obradoiros, rutas de sendeirismo, deportes, xogos e excursións culturais, que se realizarán tanto nas instalacións do CPI Camiño de Santiago, como no polideportivo e outros lugares do concello de O Pino.
Para anotarse e poder participar nesta actividade, débese cubrir a folla de inscrición que se atora na sección de formularios nesta web (preme aquí) e presentalas xunto co xustificante de ingreso na casa do concello. Para máis información, pódese chamar aos teléfonos 981 511 002 ou ao 677 555 748.
Tanto as bases da escola de verán como a folla de inscrición pódense consultar na sección de formularios nesta web ou nos documentos adjuntos.
