Unha delas empregarase para felicitarlle as festas a toda a veciñanza//
Premiarase o mellor traballo de cada unha das cinco categorías establecidas por idades//
O Concello do Pino convoca un concurso de postais de nadal aberto a todos os escolares do municipio. Para participar, cada alumno ou grupo deberá presentar un traballo ilustrado de temática navideña e técnica libre que sexa orixinal e inédito, que non sobrepase o tamaño DIN-A4 e no que apareza a lenda “O Pino, Bo Nadal e Feliz 2022”. As postais presentaranse, especificando no dorso nome, apelidos e curso, na secretaría do colexio Camiño de Santiago, nas oficinas do Concello ou no centro sociocultural Luis Seoane .
Establécense un total de cinco categorías: educación infantil, 1º ciclo de Primaria (6-7 anos), 2º ciclo de Primaria ( 8-9 anos), 3º ciclo de Primaria (10-11) e Secundaria. Outorgarase un premio por categoría, que consistirá en libros ou outro material educativo como pinturas ou libretas. A entrega dos premios realizarase o 5 de xaneiro, día da Cabalgata de Reis.
Unha das postais premiadas será elixida polo Concello para felicitar as festas a toda a veciñanza.
As bases do concurso poden consultarse a continuación ou en arquivo adxunto.
BASES XIX CONCURSO DE POSTAIS DE NADAL 2021
PRIMEIRA. Obxecto da convocatoria
O Concello de O Pino, co ánimo de fomentar as artes plásticas e difundir as tradicións da localidade, ten o propósito de convocar polo Departamento de Educación e Cultura así como pola alcaldía do Concello do Pino, en réxime de concorrencia competitiva, o “XIX CONCURSO DE POSTAIS DE NADAL” dirixido a todas as rapazas e rapaces do Concello de O Pino en idade escolar.
SEGUNDA. Requisitos dos participantes
Poderán participar neste concurso todas as rapazas e rapaces en idade escolar.
TERCEIRA. Convocatoria do concurso
Convocarase o concurso na páxina web do Concello (www.opino.gal) e nos taboleiros de anuncios municipais, e polos medios oficiais que se consideran máis oportunos para dar a máxima difusión.
Establécense as seguintes categorías:
- Educación Infantil
- Educación Primaria 1º Ciclo: 6-7 anos
- Educación Primaria 2º Ciclo: 8-9 anos
- Educación Primaria 3º Ciclo: 10-11 anos
- Educación Secundaria
CUARTA. Tema e forma
O tema será libre pero necesariamente con alusión á celebración do Nadal. Cada rapaz/a, ou grupo, presentará unha única postal que deberá ser un traballo orixinal e inédito. A postal terá que levar a inscrición “O Pino, Bo Nadal e Feliz 2022” e ao dorso farase constar: nome, apelidos e curso. Tanto a rotulación como o tipo de letra, así como a distribución na postal, será de libre elección polo artista. Evitaranse os materiais que poidan desprenderse cando as postais se expoñan de forma vertical.
Os traballos serán ilustrados tamaño máximo DIN-A4, en lingua galega e admitiranse todas as técnicas: pinturas, acuarelas, témperas, collage,… etc.
QUINTA. Prazo e lugar de presentación.
A presentación das postais terá lugar en secretaría do CPI Camiño de Santiago, oficinas do Concello ou Centro Sociocultural Luís Seoane.
O prazo de presentación será ata o 30 de novembro de 2021.
SEXTA. Premios
A Concellería de Educación e Cultura outorgará un premio por categoría, consistente en libros e/ou outros elementos educativos (pinturas, libretas, rotuladores, etc.)
SÉTIMA. Xurado
O xurado estará integrado por: animadora sociocultural, Ana Vigo Castromil, monitor deportivo Iván Pablo Sanmartín Carreira e técnica de Turismo Ángela Illodo Ferreiro. O fallo do xurado será elevado á correspondente acta aos efectos da súa resolución polo órgano competente. Valorarase a orixinalidade, a composición do traballo presentada, a calidade, deseño e adecuación ao tema proposto.
O resultado do concurso farase público a partir do día 13 de decembro 2021 e será notificado aos respectivos gañadores mediante correo postal.
A entrega de premios realizarase o día da Cabalgata de Reis (5 de xaneiro de 2022) respectando sempre o protocolo sanitario da COVID-19.
OITAVA. Consideracións xerais
- a) Os traballos dos participantes premiados serán devoltos, autorizando os gañadores/as á reprodución destes en calquera medio impreso ou electrónico, e sen límite temporal nin xeográfico. O Concello fará constar en todo momento o nome completo do autor/a.
- b) Os traballos non premiados serán devoltos aos seus autores no prazo dun mes posterior á finalización do concurso.
NOVENA. Aceptación das bases
O feito de participar neste concurso implica a total aceptación destas bases. Calquera dúbida sobre este tema será resolto pola organización entendéndose a súa resolución así como a decisión por parte do xurado como inapelables.
DÉCIMA. Exposición de traballos
Unha vez acabado o prazo de envío de traballos, a Concellería de Educación e Cultura recompilará todas as obras recibidas. Descartará só as obras que non reúnan un mínimo imprescindible de calidade ou todas aquelas ofensivas contra persoas e institucións.
O/a participante acepta e autoriza que a súa obra como tamén as imaxes da entrega de premios aos gañadores, sexa visible na web ou redes sociais do Concello e en edición impresa, exclusivamente co fin das bases deste Concurso.
Neste sentido, os participantes terán que aceptar a política de privacidade e de cesión de imaxes que remitirán ao Concello a fin de acreditar o seu consentimento expreso para ese efecto.
DÉCIMO PRIMEIRA. Dereito de propiedade e Protección de datos persoais
A participación no presente concurso implica a cesión ao Excmo. Concello do Pino, dos dereitos de produción, distribución, comunicación pública e transformación das obras presentadas nos termos previstos na lexislación sobre Propiedade Intelectual, a través de calquera medio ou formato, sen limitación temporal, material ou xeográfica algunha, polo que este Concello pasa a ser propietario de todos os dereitos de propiedade industrial e intelectual que puidesen corresponderlle en relación á ilustración.
Os datos persoais dos participantes atópanse incorporados nos tratamentos de titularidade do CONCELLO DE O PINO, co fin de tramitar o concurso, seleccionar os gañadores e poñerse en contacto con eles, así como publicar os traballos na páxina web, redes sociais e medios de comunicación que se consideran necesarios para dar a coñecer a iniciativa por parte do Concello. Utilizaranse tamén para xestionar a nosa relación co/a concursante e a súa participación no concurso, darlle a coñecer o resultado deste.
