Os amantes do ciclismo teñen unha nova cita coas ruta BTT o vindeiro sábado 20 de outubro en Arca, para participar na VII Ruta BTT Concello de O Pino que nesta ocasión celebrarase pola tarde.Ás catro da tarde, os participantes tomarán a saída na área recreativa de Lameiro (xunto á piscina municipal) para facer un percorrido de 42,7 quilómetros por diferentes localidades do municipio, cunha dificultade técnica-física media.
Trátase dunha proba non federada e non competitiva na que poderán participar todos os maiores de idade que o desexen, ou menores de 16 e 17 anos que conten con autorización de seu pai ou súa nai. O uso de casco é obrigatorio para todos os participantes, así como levar luz frontal.
As inscricións, que teñen un prezo de 10 euros, faranse na web de Emesports ata as 23.59 horas do xoves 18 de outubro. Tamén se poderá facer a inscrición presencial no Concello de O Pino, e, en Santiago, en Motos Carballeiro, Bicicletas Oliveira e café bar Caminante
A organización ten preparados puntos de control e tamén de avituallamento líquido e sólido para os corredores, tanto nun punto intermedio da proba como na meta. O que non está contemplado é o servizo de reparación, polo que cada participante deberá ser autónomo e capaz de arranxar pequenas avarías nas súas bicicletas.
Podes facer a inscrición on Line desde este enlace e consultar o regulamento neste enlace.
