A Deputación da Coruña acaba de abrir a convocatoria do programa da Rede Cultural 2019, que se publicou no BOP do 3 de xaneiro, á que poden concorrer tanto os concellos como entidades ou artistas e compañías que queiran ofrecer os seus espectáculos.
A solicitude e inscrición dos espectáculos que desexen participar nesta campaña deberá de facerse de forma telemática (consultar neste enlace) antes do vindeiro 17 de xaneiro. O prazo para que concellos e entidades soliciten despois os espectáculos que estén inscritos será do 27 de febreiro ao 13 de marzo.
Coa Rede Cultural a Deputación pretende conectar o ámbito municipal cos creadores e creadoras e axudar á existencia dunha boa oferta cultural en todos os concellos, a través do apoio ao financiamento e desenvolvemento de catro programas específicos:
Escena ao vivo: Programación profesional de teatro, monicreques e danza para concellos.
Visións. Programación profesional de cinema e contidos audiovisuais para concellos
Alicerce. Programación de música, danza e teatro non profesional para concellos e entidades.
Lingua ao vivo! Programa de espectáculos profesionais de artes escénicas e música para concellos, especializado en contidos relacionados coa dinamización social da lingua galega.
Se precisas más información consulta este enlace (preme aquí).
Durante o 2018, un dos espectáculos que se representou no Pino dentro do programa da Rede Cultura da Deputación foi a obra ‘Elisa e Marcela’, que representou A Panadaría o 25 de novembro, coincidindo co Día Mundial contra a Violencia de Xénero.
