Ata o vindeiro mércores, 14 de xuño, está aberto o prazo para formalizar a matrícula na escola infantil A Galiña Azul do Pino para o curso 2023/24.
Dende o mércores 31 de maio xa se poden consultar as listas definitivas de crianzas admitidas na entrada da escola ou na web do Consorcio Galego de Servizos de Igualdade e Benestar.
Preferiblemente a matrícula formalizarase a través da Sede electrónica da Xunta de Galicia. Esta opción so será posible se previamente a solicitude de praza tamén se fixo de xeito telemático. Do contrario, a presentación debe facerse en papel, previa cita no centro.
Para a formalización de matrícula é obrigatorio incluír á seguinte documentación:
- Impreso de matrícula debidamente cuberto.
- Copia da cartilla de vacinacións actualizada ou documento que as acredite.
- Certificado de titularidade da C/C e/ou Orde de domiciliación SEPA.
A documentación complementaria consta de:
- Copia da tarxeta sanitaria ou documento equivalente .
- Autorización de reportaxes, fotos e vídeos (hai que cumprimentalo e subilo á sede electrónica).
- Autorización de recollida da nena/o (hai que cumprimentalo e subilo á sede electrónica).
Ambas autorizacións están dispoñibles na sede electrónica.
De forma complementaria, aportaranse presencialmente seis fotografías tamaño carnet e o certificado médico.
Esta documentación poderase engadir posteriormente, nas entrevistas previstas na segunda quincena do mes de xullo.
As familias poderán obter máis información ou solventar dúbidas co procedemento poñéndose en contacto coa Galiña Azul do Pino, tanto a través do teléfono (981 511 012) como do correo electrónico (escolainfantil.opino@igualdadebenestar.org)
