As familias con nenos e nenas de 0 a 3 anos xa poden solicitar praza para o vindeiro curso na escola infantil A Galiña Azul do Pino. O prazo estará aberto ata o 5 de abril tanto para novas incorporacións como para renovar unha praza existente.
Tanto as bases do procedemento como os formularios pódense consultar na sede electrónica da Xunta, así como nas páxinas web de Política Social e de Igualdade e Benestar.
Tanto as solicitudes de novo ingreso como de renovación de praza, así como a documentación requerida presentaranse preferiblemente por vía electrónica, a travé da sede electrónica da Xunta (procedemento BS404A), empregando a chave 365 ou calquera dos mecanismos admitidos.
Opcionalmente, tamén se poderán entregar as solicitudes de xeito presencial en calquera dos lugares e rexistros establecidos na normativa reguladora do procedemento administrativo común. A presentación presencial poderá facerse así mesmo na propia escola da Galiña Azul do Pino, de 9.30 a 12.30 horas chamando previamente ao número de teléfono 981 511 012.
As familias poderán obter máis información ou solventar dúbidas co procedemento poñéndose tamén en contacto coa Galiña Azul do Pino, tanto a través do teléfono (981 511 012) como do correo electrónico (escolainfantil.opino@igualdadebenestar.org)
