Numeroso público presenciou no polideportivo de Reboredo as exhibicións de fútbol sala, ximnasia rítmica, baile moderno, patinaxe e bádminton ||
O alcalde e concelleiros do goberno entregáronlle medallas a todas asa persoas participantes ||
O alcalde do Pino, Manuel Taboada, e concelleiros do equipo de goberno entregaron esta tarde medallas a todos os nenos e nenas participantes no acto de clausura das escolas deportivas municipais, nas que este curso participaron máis de 200 menores.
Numeroso público presenciou no polideportivo de Reboredo as diferentes exhibicións, nas que nenas e nenos amosaron as súas habilidades nas diferentes disciplinas. A xornada comezou coa participación alumnado de fútbol sala nivel 1, á que seguiron exhibicións de ximnasia rítmica, baile moderno (dous niveis), patinaxe (cinco niveis) e bádmiton. Familiares e amigos aplaudiron con ganas cada unha das actuacións.
Ao rematar as exhibicións, todos os nenos e nenas matriculadas nas escolas deportivas que estaban presentes no polideportivo levaron como recordo unha medalla.
Podes ver o album de fotos na páxina oficial de Facebook do Concello do Pino, neste enlace.
